Lexus Design awards entries open

LEXUS DESIGN ОҚИҒАЛАРЫ

LEXUS DESIGN AWARD 2018 ӨТІНІМ ҚАБЫЛДАУ БАСТАЛДЫ

Lexus International Lexus Design Award 2018 дизайн байқауына қатысуға өтінім қабылдаудың басталғанын хабарлайды.

2013 жылы ұйымдастырылған басйқаудың мақсаты әлемдегі жас әрі талантты дизайнерлерді қолдау, болашақта қоғам өмірін жақсартуы мүмкін идеяларды іздеу болып табылады. Жыл сайын әлемнің түкпір-түкпіріндегі мыңдаған жас таланттар беделді халықаралық байқаудың финалына шығу үшін тартысады. Ақтық мәреге шыққан 12 қатысушының жұмысы 2018 жылғы Миландағы дизайн апталығында дизайнерлер тобы мен жалпақ жұртқа таныстырылады, ал ең үздік төрт қатысушы халықаралық танымалдыққа ие дизайнерлердің жетекшілігімен өз жобаларының шынайы прототипін жасау үшін үш миллион иен (25 мың АҚШ доллары) көлемінде бюджетке ие болады.

Әйгілі тәлімгерден тәжірибе алып, өзін әлемдік деңгейде көрсету мүмкіндігінен бөлек, жас дизайнерлерді байқаудың дизайн тұрғысынан шексіз мүмкіндіктерді ашуға жағдай жасайтын ерекше тақырыптары да тартады.

ТАҚЫРЫБЫ: «СО-»

Биыл Lexus Design Award 2018 үшін креативті тақырып ретінде өзара үндестікте әрекет ету идеясын білдіретін латынның «СО-» префиксі таңдалды. Lexus керемет дизайнның қоғам мен қоршаған ортаның үндестікте қатар өмір сүруіне кепіл бола алатынына сенеді. «СО-» тақырыбы брендтің серіктестік, өзара қатынас және коммуникация үшін жаңа мүмкіндіктер жасау арқылы өз шамасын ғана емес, қоршаған ортаның да әлеуетін зерттеуіне мүмкіндік береді. Қазір жас дизайнерлердің жақсы болашақты құру үшін «СО-» тақырыбында шабыт алу мүмкіндігі туды.

ҚАЗЫЛАР АЛҚАСЫ ЖӘНЕ ТӘЛІМГЕРЛЕР

Олардың туындыларына баға беретін қазылар алқасының құрамына түрлі салада жұмыс істейтін дүниежүзіне танымал шеберлер кіреді. Өз ноу-хауымен бөлісіп, қатысушыларға тәжірибелік қолдау көрсететін беделді дизайнерлер тәлімгерлік етеді. Олар жеңімпаздарға өз мүмкіндігін инновациялық идеяларды қолданыстағы прототипке айналдыру жолымен іске асыруға көмектеседі.
Lexus Design Award 2018 байқауының қазылар алқасының құрамы мен тәлімгерлер тізімі осы жылдың тамыз айында хабарланады. Өткен жылдардағыдай, Lexus әлемдік деңгейдегі тамаша әрі өзекті дизайнерлік жобалар жасайтын және брендтің керемет дизайн әлемді жақсы жаққа өзгертеді деген сенімін қолдайтын әйгілі кәсіби мамандардың тобымен әріптес болуды жоспарлап отыр.

КӨРМЕ

Он екі финалистің жұмыстары Lexus-тің 2018 жылы Миланда өтетін дизайн апталығында таныстырылады. Содан соң қазылар алқасының мүшелері төрт прототипке баға беріп, 2018 жылғы байқаудың Гран-при иегерін анықтайды. Өткен жалдардағы байқау жеңімпаздары айтарлықтай жетістіктерге қол жеткізіп, өз идеяларын шынайы өнімдерге айналдыра алды.

ҚАТЫСУ

Lexus Design Award 2018 байқауына қатысуға өтінім 2017 жылдың 24 шілдесі мен 8 қазаны аралығында қабылданады. Анағұрлым толық ақпарат LexusDesignAwardRussia.Ru сайтында жарияланған. Он екі финалистің тізімі 2018 жылдың басында белгілі болады. Lexus Design Award Russia Top Choice 2018 Екінші рет Lexus Design Award жергілікті деңгейде қолдауға ие болады. Дизайн саласындағы ресейлік энтузиастар мен кәсіби мамандар ресейлік Lexus Design Award Russia Top Choice (Дизайн саласындағы Лексус жүлдесі. Ресей таңдауы) байқауына қатысып, басты жүлде – Миландағы дизайн апталығына баруға лайық деп таныла алады. Ақтық мәреге шыққан тағы екі қатысушы Lexus ұсынған арнайы сыйлықты иеленеді. Lexus Design Award Russia Top Choice байқауына қатысу үшін Lexus Design Award-ты Ресей аумағында насихаттау үшін ұйымдастырылған LexusDesignAwardRussia.Ru сайты арқылы өтінім беруге болады. Ресейлік байқауға жолданған өтінімдер ресейлік те, халықаралық та байқауда қарастырылады. Сонымен қатар, сайтта байқау ережелерімен танысуға, нақты сұрақтар қоюға, Lexus Design Award-тың алдыңғы жылдардағы финалистерінің жобаларымен танысуға және өтінімдерді байқаудың ресми тілі – ағылшын тіліне аударуға арналған қолдау жүйесін пайдалануға болады. Өтінім беру тәртібі мен мерзімі, ресейлік қазылар алқасының құрамы және шаралар бағдарламасы 2017 жылдың тамызында хабарланады.

LEXUS-ТІҢ ҚЫСҚА МЕТРАЖДЫ ФИЛЬМДЕРІ: 4-МАУСЫМ — ӨТІНІМ ҚАБЫЛДАУДЫҢ БАСТАЛУЫ