СУ ЖАҢА LEXUS NX САТУДЫҢ БАСТАЛУЫ

Қазақстан мен Қырғызстанда су жаңа NX сатыла бастады. Кроссовердің екінші буыны бірегей дизайнға, жаңа күштік агрегаттарға, аса жағымды әрі жұмсақ жүріс беретін жетілдірілген жүріс бөлігіне, сондай-ақ жаңа буынды мультимедиаға ие болды. Жаңа NX спорттық сипатымен, теңдестірілген пропорцияларымен және жолмен мықты ілінісуімен, сондай-ақ сүйкімді, динамикалық және жетілген келбетімен ерекшеленеді. Автокөлік күрделі өзгерістерге ұшырады – Lexus NX 2021-дің 95% бөлшегі жаңадан әзірленді. Оны жасау кезінде сандық модельдеу де, Такуми шеберлігі де қолданылды. Соншалықты интеллектуалды жобалау сапаның, қауіпсіздіктің, жайлылықтың және үнемділіктің жоғары деңгейін қамтамасыз етті.

Тағы бір жаңалығы – кәсіпқой жарыскерлерді тартып, Симоямадағы Lexus зауытындағы тректе автокөліктің динамикалық сипаттамалары сыналды, атап айтқанда руль мен тежеу жүйесі тексерілді.

Бір өзгеріссіз қалғаны – көп жылдан бері Lexus ұстанып келе жатқан клиентке бейімделгіштік қасиеті. Мұндай тәсілдің жемісі маңызды жетістіктерге қол жеткізді: Lexus-тің Driving Signature деп аталатын философиясы, оның мақсаты көлік жүргізуден шынайы сезімдер алу және автокөлікпен етене болу, сондай-ақ ойластырылған және саналы түрде түсінікті салон, ол Tazuna-ның жаңа концепциясына сәйкес әзірленген. Жаңа NX-те ұсынылған өзгерістер негізінде брендтің барлық болашақ модельдері жасалатын болады.

ФУНКЦИОНАЛДЫҚ СҰЛУЛЫҚ

NX-тің екінші буыны Lexus дизайнында жаңа дәуірдің басталғанын білдіреді – тазалық пен қарапайымдық инновациялық технологиялардың тартымдылық көрінісі іспеттес және Lexus-тің заманнан қалыспай келе жатқанының нышаны. Жаңа NX-тің қуаты мен маневр жасауынан алатын әсеріңізді шанақтың алдыңғы және артқы жалпақ пішіні, ұзын біртегіс капот, қысқа шығу және түсу бұрыштары мен диаметрі 20 дюйм болатын үлкен дөңгелекке дейін сыйып кететін кеңейтілетін дөңгелек аркалары күшейте түседі. Радиатордың ұршық тәрізді торы одан әрі тікейтілген, бұл оның салқындату қабілетін жақсартады.

Автокөліктің артқы құрамдасқан шамдары L әрпі тәрізді және оның автокөліктің бүкіл еніне созылған фирмалық Lexus көмескі жарығы бар. Lexus эмблемасын жүксалғыш есігіндегі LEXUS деген жазу алмастырды, ол көлікке қарапайым әрі заманға сай түр береді.

Жаңа модельдің жалпы ұзындығы – 20 мм-ге, дөңгелек базасы – 30 мм-ге, ені – 20 мм-ге және биіктігі 5 мм-ге артты. Әлемде алғаш рет конструкцияда үзілуге беріктік шегі 1180 МПа (табалдырық күшейткіші) және 1470 МПа (төбе күшейткіші) құрайтын болат пайдаланылды. Инновациялық жеңіл материалдарды қолдану есебінен шанақтың қаттылығын арттыру мүмкін болды.

Жаңа көлік Lexus Global Architecture K (GA-K) платформасында құрастырылды. Бұл база аса берік конструкцияны, төмендетілген ауырлық орталығын (–20 мм), сондай-ақ жақсартылған басқару мен шу өткізбеу мүмкіндігін қамтамасыз етті. Алдында – тіреуішті MacPherson жаңа аспасы, ал артында бойлық штангалары бар қос көлденең иінтіректі аспа орнатылды.

Салонды жасаған кезде, шу мен дірілді жұтып алатын материалдар пайдаланылды, бұл автокөлік ішінде тыныш, алаңсыз отыруға мүмкіндік береді. Пилоттың кабинасында отырғандай сезімді салон ішіндегі жүргізуші есігінен бастап, орталық консольге дейін иілген пішін береді. Жүргізуші орнындағы дизайнда алғаш рет Tazuna концепциясы пайдаланылды, ол жүргізушіге көлікті «қолың рульде, көзің жолда» принципі бойынша басқару мүмкіндігін беруге негізделген. Саналы түрде түсінікті басқару мүмкіндігінің мысалы ретінде рульдегі сенсорлы ауыстырып қосқыштарды келтіруге болады. Оларды жүргізуші қалайтын функцияларды басқаруға баптап қоюға болады. Ауыстырып қосқыш пайдаланылған кезде, оның пішіні проекциялық дисплейден көрсетіледі, сондықтан жүргізушіге қай функцияны қосатынын тексеру үшін төмен қарай рульге қараудың қажеті болмайды.

Мультимедиалық экран, мультиақпараттық дисплей, аспаптар тақтасы және проекциялық дисплей бір аймаққа топтастырылған, сондықтан ондағы ақпаратты назарыңызды аудармастан және басыңызды бұрмастан оқуға болады. Lexus NX-тің жаңа мультимедиалық платформасын қолдану тура планшеттегідей оңай. Сонымен бірге жүргізушіге үш қолданушы үшін дербес баптауларды сақтау, сондай-ақ Apple CarPlay & Android Auto сервистерін сымсыз қосу мүмкіндігі қолжетімді.

Ықшамдылық принципі автокөліктің басқару механизмдерінің орналасқан жеріне де қатысты қолданылады: қозғалтқышты оталдыру түймесі, берілістерді ауыстыру иінтірегі, кондиционерді басқару жүйелері және жүріс режимін таңдау түймесі бір деңгейде орналасқан, сондықтан олардың да басқарылуы қарапайым әрі түсінікті.

Рульдің көлденең қимасы қолмен ұстағанда барынша жайлы әрі оңай басқаруды қамтамасыз ететіндей есептелген, ал берілістерді ауыстыру иінітрегі барынша ықшамдалған, ол алақаныңызға ыңғайлы жатады. Lexus тағы бір зерттеу жасады, оның барысында ғаламшарымыздың әртүрлі өңіріндегі адамдардың иығынан бастап саусақ ұшына дейінгі арақашықтық өлшенді. Осының нәтижесінде жүргізуші отырған қалпын өзгертпестен, тамаша басқару мүмкіндігі алды.

Салонда төрт USB-ағытпа орналасқан: екеуі алдында, екеуі артында. Олардың үшеуі – USB-C типіндегі ағытпалар, оларды мобильді құрылғыларды зарядтау үшін қолдануға болады. Арнайы тапсырыс бойынша ұсынылатын сымсыз зарядтау жүйесі 50%-ға жылдам істейді.

Сонымен бірге көлік иелері «High-end» класындағы 17 динамигі бар жаңартылғанын Mark Levinson премиалды аудиожүйесін, 3,6 есе жылдамдатылғанын орталық процессорды және бұл сегменттегі ең үлкен болып есептелетін 14 дюймдік мультимедиа дисплейін ерекше бағалайды, бұл дисплейдің көзге шағылыспайтын жабыны бар, соның арқасында кез келген сыртқы жарықтандыру жағдайында анық графика қамтамасыз етіледі. Сонымен қатар Lexus үшін жаңа жүйе – салонның амбиентті көмескі жарығы, бұл жүйеде 64 түс және жүргізуші дисплейіндегі жеке сәлемдесу көзделген.

Оған қоса, жаңа NX – Lexus брендіндегі E-LATCH деп аталатын электрондық ілмегі бар есіктерді электронды түрде ашатын жүйесімен жабдықталған бірінші модель. Оның қолданылуы қарапайым және оны әзірлеуге жапондық үйлердегі фусума деп аталатын қағаздан жасалған дәстүрлі арақабырғалар шабыт берген. Сонымен бірге жүксалғыштың электржетекті есігінің жұмысы да жетілдірілді. Енді ол тыныш әрі тез жұмыс істейді: ашу/жабу уақыты шамамен төрт секундқа дейін қысқарды.

СУ ЖАҢА БЕНЗИНДІК ҚОЗҒАЛТҚЫШТАР 

NX 350 моделіне мүлдем жаңа 2,4 литрлік турбиналы қозғалтқыш орнатылады, оның 279 а.к. мен 430 Н·м. құрайтын сесті қуат көрсеткіштері электронды түрде басқарылатын толық жетектің жаңа жүйесі арқылы тез жұмыс істейтін 8 сатылы Direct Shift автоматтық беріліс қорабымен жұптасып, аса әсерлі динамикалық сипаттамаларға түрленеді. Жүріс жағдайына байланысты алдыңғы және артқы осьтер арасындағы айналдыру моментін үлестіру 75:25-тен 50:50-ге дейінгі аралықта реттеліп отырады.

Дәл осындай тұрақты толық жетек жүйесі мен Direct Shift деп аталатын 8 сатылы қорап жаңа 205 а.к. беретін 2,5 литрлік атмосфералық қозғалтқышы бар NX 250 моделіне де орнатылатын болады.
Сонымен қатар Қазақстан нарығында Direct Shift CVT трансмиссиясымен үйлесетін, 2,0 литрлік атмосфералы қозғалтқышы бар бастапқы деңгейдегі NX 200 моделі қолжетімді болады.

Айналдыру моментін алдын ала үлестіру функциялары мен айналдыру моментін динамикалық қайта үлестіру жүйелері NX автокөліктеріне нашар жолда жақсы ілінісуге және ортақ пайдаланылатын жолмен жүргенде, бұрылыстардан тез шығуға мүмкіндік береді.

АЙРЫҚША ҚАУІПСІЗДІК

Үшінші буындағы Lexus Safety System+ деп аталатын фирмалық белсенді қауіпсіздік жүйесінің кешені туралы да ауыз толтырып айтуға болады. Ол алдыңғы нұсқадан 36%-ға тиімді бола түсті және соқтығысудың алдын алу, жүру жолағында ұстау, жол белгілерін және басқа да нысандарды тану, көзден таса аймақтарды бақылау функцияларын қамтиды.

Есік құлыптарының электржетектерін электронды түрде басқаратын жаңа жүйе деректерді көлік құралдарының және велосипедшілердің автокөлік артынан жақындағанын бақылап отыратын көзден таса аймақтарды бақылау жүйесінен алып отырады. Қауіп көзін анықтаған бойда, жүйе сигнал шамын қосып, дыбыстық белгі береді, сондай-ақ есікті ашуға мүмкіндік бермейді. Lexus мамандары бұл жүйе есік ашуға байланысты орын алатын жазатайым оқиғалардың 95%-ның алдын алады деп есептейді.

Жаңа модельдік қатардағы автокөліктер стандартты түрде белсенді қауіпсіздіктің алуан түрлі жүйелерімен және жүргізушінің көмекші жүйелерімен жабдықталатын болады. Олар барлық сегментке жазатайым оқиғалар ықтималдығын анықтап, олардың алдын алу бойынша шараларды қолдануға бағдар сілтейді.

2,5 литрлік атмосфералық қозғалтқышы бар су жаңа NX-тің сатылым бағасы 25 000 000 теңгеден басталады. Жаңа модель 2022 жылдың ақпан айында сатыла бастады.