- Lexus көлігінің айрықша жол талғамайтын қасиеттері мен кербездігі жаңа GX-ті кез келген жерде теңдесі жоқ серіктес етеді.
- Жаңа GA-F платформасы және шанақтың классикалық рамалы құрылымы жоғары беріктік пен үздіксіз елгезектікті қамтамасыз етеді
- GX экстерьерінің мәнерлі әрі эмоцияға толы дизайны оның қайсар мінезі мен стилін жазбай көрсетеді.
- Кокпиттің Tazuna тұжырымдамасы тамаша көрінімділікті, ақпаратқа лезде қол жеткізуді және басқару органдарын түйсік деңгейінде түсінікті жолмен пайдалануды ұсына отырып, күткеннен де асып түседі.
- Қосарлы турбоүрлемді жаңа 3,5 литрлік V6 қозғалтқышы адам сенгісіз қуатқа және айналу сәтіне ие бола алады.
- GX таңдай қақтыратын 3,5 тонна межесіне жетіп, өз сегментінде сүйреп жүретін тіркеменің ең жоғары салмағы жағынан жаңа мәре белгілейді.
- Модельдің жол талғамайтын мүмкіндіктерін кеңейтуге арналған дизайн және жабдық ерекшеліктері бар GX Overtrail жаңа нұсқасы қолжетімді.
- Жаңа GX 2024 жылдың басында сатылымға шығады.
СУ ЖАҢА LEXUS GX: ПРЕМИУМ САНАТТЫ ТЕҢДЕССІЗ ЖОЛ ТАЛҒАМАЙТЫН КӨЛІК
1989 жылы нарыққа шыққалы бері Lexus үнемі инновациялық шешімдер енгізіп келеді, технологиялық және дизайнерлік мүмкіндіктер шекарасын кеңейтіп келеді, клиенттеріне бірегей көліктерді ұсынып келеді. Жаңа GX те дәл сондай. Айрықша жол талғамайтын қасиеттерге ие осы премиум санатты толық жетекті көлік жаңашылдық рухына толы.
Нарықтың жаңа сегменттеріне шығуды және тұтынушылардың кеңірек ауқымын қамтуды мақсат тұтып, осы тұлпар Lexus брендінің жаһандық модельдер қатарын әртараптандыруға деген ұмтылысын көрсетеді.
Жаңа GX бастан-аяқ жаңадан жасалған. Ол табандылық пен кез келген қиындыққа төтеп беруге дайын тұратын мықты әрі мәнерлі келбетке ие. Lexus көліктерінің жаңа буындарының бірегей дизайн тілі осы айбынды жол талғамайтын көліктің қажеттіліктеріне арнайы бейімделген. Сонымен қатар салон заманауи стилімен, кеңдігімен және жайлы атмосферасымен қуантады. Көрінімділігі керемет Tazuna интерьері жүргізушінің бар жағдайын жасауға жаралған.
Екі турбоайдағышы бар жаңа 3,5 литрлік V6 қозғалтқышы алдыңғы буын модельдің V8 қозғалтқышына қарағанда әлдеқайда жоғары қуат пен айналдыру сәтіне жете алады. Бұл жаңа GX-ке сегменттегі сүйреп жүретін тіркеменің 3,5 тоннаға дейін жететін ең жоғары салмағын береді.
Lexus брендінің адамды басты назарда ұстайтын тәсілі барлық тұстан айқын көрінеді. Жолсыздықта басқаруды және бақылауды жақсартуға бағытталған жаңа жүйелер қиын жағдайларда көлік жүргізу жайлылығын және сенімділікті қамтамасыз етеді. Сонымен бірге GX төсемі бар жолдарда да жақсырақ және жайлырақ жүретін болады.
Жаңа буын GX көлігі Lexus брендінің клиенттердің барынша кең ауқымының қажеттіліктерін қанағаттандыра алатын модельдер қатарын жасауға деген ұмтылысын көрсетеді. Қазақстанда жол талғамайтын көлік 2024 жылдың басында сатылымға шығады.
ЭКСТЕРЬЕР ДИЗАЙНЫ: НАҒЫЗ ЖОЛ ТАЛҒАМАЙТЫН КӨЛІКТІҢ ӨЛШЕМ-МӨЛШЕРІ
Жаңа GX нағыз жол талғамайтын көліктің өлшем-мөлшеріне ие. Әзірлеушілер көліктің сырт келбеті оны пайдалану мүмкіндіктерін барынша көрсете алуы үшін бәрін жасады. Мысалы, бұл шанақтың алдыңғы тіректерінің артқа ығыстырылуынан, кең қанаттарынан, төмен белдем сызығынан көрінеді. Дизайнерлер көліктің біртұтас металдан ойып жасалғанын сезіндіруге тырысты.
Жаңа GX ұзынырақ және кеңірек. Дөңгелектерінің де негізі ұлғайды, ал жалпы биіктігі аласарақ болып шықты.
Биік, шығыңқы капот көліктің төзімділігін көрсетеді, ал оның аласа орталық бөлігі шанақтың алдыңғы бұрыштары жақсы көрініп тұруын қамтамасыз етеді. Демек, осы жол талғамайтын көлікте маневр жасау өте оңай. Алдыңғы асылмасы қысқарақ болғанының арқасында жаңа GX ұлғайтылған кіру бұрышына ие, сондықтан, едәуір тік еңістермен жүре алады.
GX үшін бірегей пішінді радиатор торы тор көзді және төменгі қорғаушы элемент түсімен бірдей түске боялған. Орталық бөлігіне қарай тарылып, шанақтың алдыңғы бөлігінің көз тартатын дизайнерлік элементі болып тұр. Радитор торы да, фаралар да мейлінше жоғары орналасқан. Сонда жолсыздықта жүру кезінде зақымдану ықтималдығын азайтады. Радиатордың ауа өткізгіштерінің жоғары орналасуы да қозғалтқыштың сенімді жұмыс жасауын қамтамасыз етуге арналған.
Шанақтың артқы жағында биік орнатылған шамдары бар L-тәрізді фирмалық Lexus жарық жолағы өзіне назар аударып тұрады. Осындай үйлестіктің арқасында жолсыздықта көліктер легінде жүргенде GX ерекше көзге түсіп тұрады.
ИНТЕРЬЕР ДИЗАЙНЫ: ЗАМАНАУИ СТИЛЬ ЖӘНЕ ЖАН ТЫНЫШТЫҒЫ АТМОСФЕРАСЫ
Жаңа GX салоны заманауи дизайнымен және кез келген сапарда жан тыныштығын сыйлайтын атмосферасымен қуантады. Адамды басты назарда ұстайтын дизайн арқасында Lexus тіпті ең қиын жол жүру жағдайында да жолаушылар өздерін жайлы және қауіпсіз сезінетін кеңістік жасай алды.
Бұл модельде Lexus Tazuna интерьер концепциясы қолданылған, ол барлық негізгі басқару органдарын және ақпарат беру көздерін жүргізушінің қолы мен көзі болмашы қимыл жасайтын қашықтықта орналасуын көзлейді. Осы концепцияны жасауға шабандоздың сәйгүлігін тізгіннің болмашы қозғалысымен оңай басқаратыны шабыттандырды (жапон тілінен аударғанда Tazuna дәл осыны білдіреді). Аспаптар тақтасының көлденең орналасуы және аласа белдем сызығы айнала тамаша көрініп тұруына септеседі, соның арқасында жүргізуші әр кез қозғалыстың сипаты мен көліктің жайын түсініп отырады. Мультимедиа функцияларына дәл және оңай қол жеткізу үлкен 14 дюймдік сенсорлық экран арқылы қамтамасыз етіледі.
Әзірлеушілер жамбас пен бел аймағын жақсырақ сүйеп тұратын жүргізуші орындығына ерекше көңіл бөлді. Орындықтың жастығы омыртқа мен бастың орнықтылығын қамтамасыз ететіндей жолмен ойластырылған. Соның арқасында сапарлар онша шаршатпайды.
КҮШ ҚОНДЫРҒЫСЫ: ЖАҢА ТУРБО V6 ЖӘНЕ ӨЗ САНАТЫНДАҒЫ ЕҢ ЖОҒАРЫ ТІРКЕМЕ САЛМАҒЫ
GX модельдер желісі жаңа 3,5 литрлік турбо V6 қозғалтқышына ие болды. Алдыңғы буын V8 моделінің 4,6 литрлік қозғалтқышымен салыстырғанда жұмыс көлемі азырақ болғанымен, жаңа технологиялар мен инженерлік шешімдердің арқасында бұл қозғалтқыштың қуат беру мүмкіндігі жоғарырақ. Ол 354 а.к. (DIN стандартына сәйкес) және 650 Н·м (V8 көрсеткіштері: 296 а.к. және 438 Н·м) көрсете алады.
Соның арқасында сүйреп жүретін тіркеме салмағы жағынан осы жаңа буын жол талғамайтын көліктің теңдесі жоқ. Жаңа GX, мысалы, 13 жолаушыға арналған қайықты немесе салмағы 3500 кг дейінгі фургонды сүйреп жүре алады.
Қозғалтқыш бұрынғы 6 сатылы автоматты трансмиссия орнына келген Direct Shift 10 сатылы автоматты беріліс қорабымен жұптастықта жұмыс істейді. Ол қарымды және тұрақты үдеу сезімін, сондай-ақ акселератор басқышының лезде бағынуын қамтамасыз ету үшін тиісінше бабына келтірілген. Сонымен қатар сатып алушылар V-тәрізді «алтылықтың» шу деңгейі төмендегеніне лайықты бағасын береді.
ЖҮРІС ҚАСИЕТТЕРІ: LEXUS КЕРБЕЗДІГІМЕН ҰШТАСҚАН БЕРІКТІК ЖӘНЕ ҚАУІПСІЗДІК
Жаңа GX — Lexus кербездігінен кенде емес нағыз жол талғамайтын көлік. Басты беріктік құпиясы жаңа GA-F платформасында және шанақтың рамалы құрылымында жатыр. Бұл қасиеттер жолсыздықта сенімді жүруге кепілдік береді. Ал Lexus Driving Signature тұжырымдамасы төсемі бар жолда жүру кезінде басқарымдылықты, жайлылықты, бағыт тұрақтылығын, жүріс жұмсақтығын қамтамасыз етеді.
Алдыңғы және артқы аспалар жолда да, жолсыздықта да сенімді жүруге бейімделген. Артқы аспа ойлы-қырлы жермен жүргенде жағымсыз соққылардың әсерін азайтатындай етіп бапталған, ал жалғанымдарды күшейтудің жаңа тәсілдері арқылы қол жеткізілген шанақ қаттылығы жақсырақ басқарымдылықты қамтамасыз етеді.
Тізгінді басқаруды электрлі күшейткіштің ерекше баптауларының арқасында тізгін дөңгелегі төмен жылдамдықта оңай бұрылады және жылдамдық артқан сайын ауырлай түседі, сөйтіп көліктің орнықтылығына септеседі. Тізгінді басқарудың дәлдігінде күшейтілген радиатор тіректері мен тізгін механизмі елеулі үлес қосатын нығайтылған шанақ қаттылығы маңызды рөл атқарады. Сонымен қатар жүргізушілер жолдың кедір-бұдырлығынан болатын дірілдің айтарлықтай азайғанына, сондай-ақ үшінші буын Lexus Safety System+ қауіпсіздік жүйелері кешені қамтамасыз ететін қосымша қолдауға тиісті бағасын береді.
Жолсыздықта жүруден алатын әсерлерді жаңа биіктерге көтеру үшін әзірлеушілер «төмен жылдамдықпен жүргізу өнерін» құрайтын қасиеттерді жетілдірді. Сол үшін олар дизайнерлік және құрылымдық шешімдерді мұқият пысықтады, жаңа технологияларды енгізді немесе бұрыннан белгілі технологияларды жақсартты. Адамды басты назарда ұстайтын әдіс, сондай-ақ жол талғамайтын функциялар мен озық технологиялардың үйлесімді үйлестігі — көлікті түйсік деңгейінде түсінікті және еліктіріп әкетердей жүргізу кепілі. Жүргізуші кез келген жол жағдайында көлікпен және жолмен өзара әрекеттестіктен ләззат алады. Жаңа модельді әзірлеу барысында прототиптерді сынауға қатысқан кәсіби ралли жүргізушілері дәл осыған қол жеткізгісі келген болатын.
GX OVERTRAIL: ЖОЛ ТАЛҒАМАЙТЫН ҚАСИЕТТЕР ЖӘНЕ СТИЛЬ КВИНТЭССЕНЦИЯСЫ
Overtrail — GX моделінің жаңа флагмандық нұсқасы, көліктің жол талғамайтын мінезін айшықтау үшін жаралған. Оның сырт келбеті, жабдықтары мен технологиялары жол талғамайтын әлеуетті барынша арттырады және белсенді өмір салтын ұстанатын клиенттердің қажеттіліктерін қанағаттандыруға қауқарлы.
Осы нұсқаның сырт келбеті зор тұлғасымен ерекше: эксклюзивті дизайны бар 18 дюймдік дөңгелек дискілері, 20 мм-ге үлкейтілген жолтабан, дөңгелек доғаларындаға қара бастырмалар, шанақтың бүйіріндегі қорғаушы элементтер, көлік астын алюминий қорғағыш. Аталмыш ерекшеліктер көліктің тартымдылығын арттыруға ғана емес, сонымен қатар жүргізушіге кез келген жол талғамайтын бағыттарды еңсеруге деген сенімділік ұялатуға арналған. Дәл осындай қызметті Lexus көліктеріне арналған шиналарды жеткізушілерімен бірлесіп жасалған жол талғамайтын шиналар да атқарады.
Overtrail нұсқасына тапсырыс беру кезінде кедергілерден өтуді жеңілдететін бұрыштары көтеріңкі бамперді таңдауға болады. Lexus көлігінде алғаш рет қолданылған аспаны кинетикалық тұрақтандырудың электронды жүйесі (E-KDSS) дөңгелек жүрісін арттыру есебінен жолсыздықта тұрақтылықты жақсартады. Ал төсемі бар жолдарда шанақтың қисаюына жол бермеу арқылы жоғары бағыт тұрақтылығына кепілдік береді.
Жап-жаңа Lexus GX жақын арада Қазақстанға келеді. Барлық жаңалықтардан хабардар болыңыз, Instagram желісіндегі парақшамызға жазылыңыз: @officiallexuskz.