СУ ЖАҢА LEXUS RX ЖАҚЫНДА ҚАЗАҚСТАНДА

Lexus модельдің бай мұрасына сүйене және жаңа дизайн мен технологиялар шекарасын өзгерте отырып, өзінің салтанатты RX кроссоверін толықтай жаңартып шықты. Бұл қалалық ортадағы іскерлік кездесулер ырғағында да, еркіндік пен оңашада қалу мүмкіндігін іздеп шыққан жолсыз алқаптарда да мінсіз серігіңізге айналатын автокөлік жасап шығаруға мүмкіндік берді. Тамсана қараған көздердің жауын алатын, жайлылықтың ең жоғары деңгейі мен мүлтіксіз басқару жеңілдігін ұсынатын ол алғашқы танысқан сәттен бастап бүкіл үміттерді ақтайды.

• Революциялық Lexus RX-тің бесінші буыны — салтанатты кроссоверлер нарығын қалыптастырған автокөлік тарихындағы жаңа тарау

• RX 500h — турбоайдауышы бар 2,4 литрлік бензинді қозғалтқышпен бірге мүлдем жаңа гибридті жүйемен және DIRECT4 толық жетекті басқару жүйесімен жабдықталған жаңа электрлендірілген Lexus кроссовері

• Шанақтың жалпы экстерьеріне кіріктірілген ұршық пішінді радиатор торы бар мүлдем жаңа және айқын Lexus Next Chapter дизайны

• «Қолдарыңыз рульде, көздеріңіз жолда» принципі бойынша басқаруды негіз етіп алған Tazuna тұжырымдамасына сәйкес жасалған жайлы әрі кең салон

• «Сәлем, Lexus» дауыстық көмекшісі және 14 дюймдік сенсорлы экраны бар Lexus Link мультимедиа жүйесінің жаңа буыны

• Көлікті жүргізуден алатын табиғи сезімдер, автокөлікпен етене жақын болу сезімі және нағыз жайлылық — осының бәрінің негізінде Lexus Driving Signature бірегей тұжырымдамасы қамтамасыз ететін басқарылудың іргелі сипаттамаларының мұқият ойластырылғанына сенімділік жатыр

1998 жылы RX түпнұсқа моделі салтанатты кроссоверлер сегментіне бастама берді. Сол кезден бері ол үнемі дамытылып келді. 2005 жылы нарыққа шығарылған RX 400h — премиум сыныпты сегменттегі тұңғыш гибридті модель бұл даму жолындағы маңызды межеге айналды. Бүгінгі таңда ол өзін Lexus-тың түйінді моделі ретінде танытты — бүкіл әлем бойынша сатылымдар 3,5 миллион көлікке жетті. Толықтай жаңартылған премиум кроссовердің бесінші буыны ешқандай күмәнсіз Lexus-тың дизайн және озық технологиялар саласындағы мұндай позициялары мен беделін нығайта түседі.

NX және RX модельдерін шығару арқылы Lexus бренді дизайн мен технологиялардың «Келесі тарау» деп аталатын жаңа дәуіріне жол салып жатыр.

СУ ЖАҢА ҚУАТТЫ КҮШТІК АГРЕГАТТАР

Электрлендірілген автокөліктерді дәріптеу және дамыту жолын ашып берген гибридті технологиялар саласындағы 15 жылдан асатын жұмыс тәжірибесіне сүйене отырып, Lexus бренді дүйім жұртқа динамикалық сипаттамалардың әлдеқайда жоғары деңгейін қажет ететін клиенттерге арналған инновациялық жаңа RX-ті ұсынды.

RX 500h моделі гибридті жетектер технологияларын әзірлеу саласындағы өрлеу белгісі болып табылады және бұған дейін болған кез келген гибридті модельден түбегейлі ерекшеленеді. Автокөлікте турбоайдауышы бар 2,4 литрлік бензинді турбоқозғалтқышы және кіріктірілген электрқозғалтқышы және қуатты басқару блогы бар 6 сатылы беріліс қорабын, сондай-ақ гибридті жүйенің аккумулятор батареясын және артқы бөліктегі 76 кВт-тық шағын электрлі күштік қондырғыны біріктіретін мүлдем жаңа гибридті жүйе қолданылған. Гибридті жүйе ІЖҚ мен электржетек жұмыс режимдерін үздіксіз ауыстырып қосып отырады, кез келген сәтте тікелей қуатты жұмысты және таңғалдырарлық жанармай үнемділігін қамтамасыз етеді — бензинді модельдермен салыстырғанда +20%.

Жүйенің жалпы қуаты 550 Н·м айналдыру моментімен 371 а. к. (DIN)/273 кВт құрайды, бұл 100 км/сағ-қа дейін жылдамдықты 6,2 секундта үдетуді қамтамасыз етеді, яғни бұған дейінгі RX 450h моделімен салыстырғанда 1,5 секундқа жылдамырақ.

RX 500h автокөлігінде ішкі кедергісі төмен, жанармайды елеулі түрде үнемдей отырып, жоғары өнімділікті беретін жаңа никель-металгидридті (Ni-MH) аккумулятор қолданылады. Салмақты дұрысырақ бөліп орналастыру және салон кеңістігін оңтайландыру үшін аккумулятор автокөліктің артқы орындығының астына орнатылады және жетілдірілген ауамен салқындату жүйесінің арқасында жұмыс істегендегі дыбыс бәсеңдеу шығады.

Өз кезегінде жаңа RX 350 2,4 литрлік турбиналы бензинді қозғалтқышпен жабдықталған. Оның қуаты 249 а. к. және 430 Н·м айналдыру моментін құрайды, бұл бұған дейінгі модельдердің көрсеткіштерінен айтарлықтай асып түседі. Ол бұрынғыдан қысқарақ беріліс арақатынастары бар 8 сатылы Direct Shift автоматтық беріліс қорабымен жабдықталған.

LEXUS-тың ЖАҢА ДӘУІРІ: ДИЗАЙН ЖӘНЕ ДЕРБЕСТЕНДІРУ

Lexus Next Chapter функционалдық қуаты мен сұлулығы

Жаңа Lexus RX-тің келбеті — бұл сырбаздық пен таңғалдырарлық қуат әлеуетін үйлестірген дизайн батылдығын паш ету. Lexus-тың ұршық тәрізді фирмалық радиатор торының пішіні автокөліктің бүкіл алдыңғы бөлігінің мінезін қалыптастырып тұр. Енді ол шанақтың жалпы концептіне тиімді кіріктірілген тұтас нысан ретінде ұсынылған. Жаңа жіңішке фара блоктары мен 15 мм-ге артқан алдыңғы дөңгелектердің арақашықтығы автокөліктің төменірек орналасқан ауырлық ортасын және төмендетілген отыру қалпын айшықтап көрсетеді. Күңгірттелген артқы бағандардың есебінен жасалатын RX-ке тән «қалықтаған төбе» әсері сақталған, алайда оның көлемі үлкейген. 

Алдыңғы үшкірленген сүйір пішінді үш модульді жарықдиодты фаралар фирмалық L пішінді күндізгі жүріс шамдарының есебінен күшейе түсетін айқын келбет қалыптастырады және жарық түсіру қарқындылығын жайымен өзгерту жүйесінің арқасында танымал болған үш өлшемді сұлбаға ие. Сондай-ақ BladeScan технологиясы бар Adaptive High-beam System (AHS) шалғай жарықты бейімделетін басқару жүйесі қолжетімді болады. Артқы құрамдастырылған шамдар L пішінді жарық жолағы түрінде орналасқан, жолақ автокөліктің енін сырт көзге ұлғайтып көрсетіп, жаңа LEXUS логотипін әсерлі түрде айшықтай отырып, автокөлікті жатық сызықпен айналдыра көмкеріп тұр. 

Автокөлік күндізгі қозғалыс легінде де, жылтылдаған кешкі жарықтар арасында да өзіне көпшіліктің назарын үздіксіз тартатын болады.

Tazuna тәсілі – автокөлікпен арадағы түйсікпен түсінілетін байланыс

Интерьерінің минималистік дизайны RX моделінің сән-салтанаты мен бірегейлігін көрсетеді. «Азырақ дегеніміз — көбірек» ұстанымы артық тетіктерден арылтады және таза, бейберекет ұсақ-түйектері жоқ беттерімен таңдаулы заманауи бейне қалыптастыруға мүмкіндік береді.

Салон ішінде Такуми шеберлерінің қол еңбегінен шыққан сән-салтанатты көрсететін және бүкіл сезім мүшелеріне әсер ететін элементтер сақталған. Тіпті есіктері ашып-жапқан кездегі шығатын дыбыстан алатын әсерге дейін инженерлердің жіті назары шоғырландырылған.

Жаңа дизайнның нәзіктігі, еркіндігі мен ықшамдығы аспаптар қалқаншасын, аспаптар тақтасын қамтып тұрған және есіктердің тыстамасына ұласатын алдыңғы тақтаның үздіксіз және жатық сызықтарының пішінделуінен көрінеді.

Ықшамдық тақырыбын жүргізуші орнын жасап шығару кезінде жүзеге асырылған Tazuna тұжырымдамасы толықтырады. Ол жүргізушіге зейінін жүргізуге шоғырландыруға мүмкіндік бере отырып, басқару жүйелері мен ақпарат көздерінің ұтымды орналасуын және қолайлы болуын қарастырады. Арнайы әзірленген дизайн басқаруды жеңілдете отырып, автокөлікпен арадағы тереңірек, түйсікпен қабылдауға жеңіл байланысты қамтамасыз етеді. Tazuna тәсілі, мысалы, жаңа мультимедиа жүйесі секілді тетіктерде көрініс табады: үлкен 14 дюймдік сенсорлы экран және жиі қолданылатын функцияларға арналған физикалық түймелердің болуы жүргізушіге тіпті басының қозғалысын барынша азайтуға көмектеседі — қажетті ақпаратты көру үшін көздерді сәл ғана бұру жеткілікті.

Абсолютті жайлылыққа, қолайлылыққа және еркіндікке басты назар

Салон жабдықтары алдымызда өз иесіне жайлылықтың жоғары деңгейін сыйлайтын, бұл ретте барынша пайдалы болып қала беретін шынайы толық өлшемді кроссовердің тұрғанын ашып көрсетеді.

Жүргізуші орнындағы көру аймағының үлкейтілген ауданы тамаша көріністі қамтамасыз етеді, бұл бұрынғыдан да қауіпсіз және жайлы жол қозғалысын кепілдендіреді. Шанақтың ойластырылған құрылысы артқы орындықта отырған жолаушылардың тізелерінің аймағында көбірек орынды босатуға мүмкіндік береді, ал жүргізуші орындығының төменірек орналасуына және орындықтардың электрлі реттегіштерінің арқасында салонға отыруды жеңіл етеді.

Жаңа модельдің артқы асылмасының қысқарақ болып шыққанына қарамастан, жүксалғышының сыйымдылығы қазіргі RX моделінің жүксалғышына сәйкес келеді. Бұл жіңішкерек келген артқы есікті және төменірек жүк тиеу биіктігін қоса алғанда, ойластырылған конструктивтік шешімдердің арқасында мүмкін болды. Жүксалғыш бөлімнің көлемі артқы орындықтар жазылған күйде 612 литрді құрайды. Бұл ұзындығы 25 сантиметрлік төрт гольф сөмкесін немесе 30 литрлік жиырма чемодан тасымалдауға жеткілікті. Жүксалғыш еденінің астында құрал-саймандар мен ұсақ-түйек заттарға арналған қосымша кеңістік бар. 

Мүлдем жаңа Lexus Link мультимедиа жүйесі

Ең жаңа Lexus Link мультимедиа жүйесі бұрын-соңды болмаған жылдамдықпен жұмыс істейді, құрылғыларды жалғайтын үлкен мүмкіндіктері және түйсікпен түсінуге жеңіл басқару тетіктері бар. Кроссовер интерьері бұл сегменттегі ең үлкендер экрандардың біріне жататын және модельдің стандартты жинақтамасына кіретін 14 дюймдік сенсорлы экранмен жабдықталған. Шағылыстырмайтын экраннан бөлек, мұнда жиі қолданылатын функцияларды басқаруға арналған физикалық түймелер қарастырылған. Графика кез келген жарықтандыру жағдайларындағы тамаша көрініске арналған HD форматында ұсынылады, ал жүйенің орталық процессоры пайдаланушының әрекеттеріне анағұрлым жылдам жауап қату реакциясын қамтамасыз ете отырып, алдыңғы нұсқамен салыстырғанда 3,6 есе тезірек жұмыс істейді. 

Сондай-ақ жаңа мультимедиа жүйесі смартфондармен мінсіз интеграциялану мүмкіндігін және Apple CarPlay® және Android Auto®. интерфейстерінің қолдауын ұсынады.

12 динамигі және 20 сантиметрлік сабвуфері бар Panasonic аудиожүйесі жаңа RX-тің базалық жабдықталуына кіреді және жақсы теңгерілген, біртегіс дыбыс күшін сыйлайды. Максималды жинақтамаларда Mark Levinson компаниясында модельдің ішкі архитектурасы есепке алына отырып Lexus RX үшін арнайы әзірленген және жобаланған 21 динамигі бар Premium Surround Sound аудиожүйесі қолжетімді. 

Жаңа RX-ті бірнеше адам басқаратын бола ма? Ол оп-оңай! Автокөлік әртүрлі үш пайдаланушыға арнап, аудиожүйені және навигация жүйесін қоса алғанда, мультимедиа жүйесінің қалаулы баптауларын сақтай алады. Оны жүргізуші орнының, салон жарығының, аспаптар тақтасы дисплейінің және Lexus Safety System+ функцияларының дербестендірілген баптаулары толықтырады.

F SPORT дизайнының бірегей ерекшеліктері

RX 350 моделі F SPORT нұсқасында қолжетімді болады, ал RX 500h тек F SPORT Performance нұсқасында ғана ұсынылады. Дизайн тұрғысынан F SPORT модельдері интерьерінің де, экстерьерінің де эксклюзивті стилімен ерекшеленеді.

Соның ішіндегі олардың ерекшеліктері: күңгірт қара түспен әрленген арнайы 10 шабақты 21 дюймдік жеңіл қорытпалы дискілер; қара түсті төбе рейлингтері мен сыртқы артқы көрініс айналары; өзіне тән торлы толтырмасы бар жапсарсыз кіріктірілген радиатор торы; алдыңғы және артқы F SPORT бамперлері; алдыңғы қанаттағы қара түсті F SPORT эмблемасы және есіктер мен бамперлердегі тот баспайтын болаттан жасалған қара түсті қосымша молдингтер. Жаңа Sonic Copper түсін қоса алғанда, F SPORT Performance нұсқасы үшін шанақтың алты түсі қолжетімді.

Стильді бөлшектерінен бөлек, автокөлікке бұл нұсқаларда қосымша аэродинамикалық компоненттер орнатылды — алдыңғы бампердің астыңғы ернеуі көбірек жерге қарай басу күшін қамтамасыз ететін пішінге ие, ал дөңгелек аркаларының қосымша молдингтері бампер ішіндегі қысымды төмендету және алдыңғы дөңгелектердің айналасындағы ауа ағынын реттеу қызметін атқарады.

СӘН-САЛТАНАТ ПЕН ЖАЙЛЫЛЫҚТЫ БАҒДАР ЕТКЕН

Барлық Lexus моделіне тән Омотенаши қонақжайлылығы RX-тің барлық жолаушыға ымырасыз қамқорлық танытуының негізгі акценті болып табылады. Автокөлікке жақындаған кезіңізде қосылатын сәлемдесу жарығы және сапар алдында көрсетілетін мультимедиалық және мультиақпараттық дисплейлердегі анимациялық графика — бұл автокөлікке иелік етуді және оны басқаруды жаңа деңгейге шығаратын тетіктердің бір бөлігі ғана.

Жүргізушінің кілтін тіркегеннен кейін жарықтандыруды оның есімінің көмегімен дербестендіруге болады. Тахометрге, гибридті жүйенің индикаторына немесе спидометрге басымдық бере отырып, өз қалауларына сәйкес жүргізуші өз RX-інің аспаптар тақтасын да баптай алады. Дизайн сондай-ақ таңдалған жүргізу режиміне («қалыпты», «эко» немесе «спорт») сәйкес өзгереді. F SPORT моделінің жарыстық стильдегі эксклюзивті индикациясы бар.

Модельдің түрлі түсті проекциялық дисплейінің ақпараттың әртүрлі деңгейлерін көрсетуге арналған үш режимі бар. Толық режим Lexus Safety System+ қауіпсіздік жүйесінің күйін және жүргізушінің көмекші функцияларын қамтиды. Стандартты режимде негізгі ақпарат дисплейдің астыңғы жиегінде жалпылама көрсетіледі. Минималды режим жылдамдықты көрсетеді.

Амбиентті көмескі жарықты да (Lexus Mood Selector функциясы) көңіл-күйіңізге сәйкес реттеуге болады, ол үшін 64 түстен және 14 жеке тақырыптан тұратын палитра қарастырылған.

Амбиентті көмескі жарық аспаптар тақтасын, есіктердің ауыстырып-қосқыштарын, аяқтарға арналған кеңістікті, есіктердің тақталарындағы қалталарды жарықтандырады және тәуліктің қараңғы мезгілінде жайлылық сезімін қалыптастырады.

RX премиум санатты кроссоверінің бесінші буынындағы есік тақталары мен орындықтардың иық белдеуі Kageri («қараңғы көлеңке») дәстүрлі жапондық эстетикасынан шабыт алған көлеңке әсерін қалыптастыратын L стиліндегі жаңа бедерлі ою-өрнекке ие болды. Executive жинақтамасына арналған тегіс былғары түстерінің нұсқалары қара түсті ендірмелері бар Dark Sepia, Ammonite Sand және Hazel жаңа түстерін қамтиды. Олар сондай-ақ Ash Sumi Black және опция ретінде Dark Bamboo ағаш қыстырмалары бар Luxury жинақтамасындағы жартылай анилинді былғары үшін де қолжетімді.

Назар аударуға тұрарлық дерек: жаңа RX — былғары тыстамасына жануарлардан алынатын өнімдер қолданылмаған бірінші Lexus моделі.

Жаңа алдыңғы орындықтар жеңіл қолжетімділікті, тамаша қолдауды, сондай-ақ жылытуды және желдетуді қамтамасыз етеді. Орындықтың тостаған тәрізді пішінінің және жаңа рамасының қолданылуы денені ұстап тұру сипаттамаларын жақсартады, ал бүйірлік жақтауларының ішке майысып кірген пішіні бел аймағында эргономиялық тіреуді қамтамасыз етеді. Бойы мен салмақ мөлшері кез келген жолаушыларға қолайлы ету үшін орындық көпшігінің пішіні өзгертілді. Топ жинақтамаларда алдыңғы көпшіктің алдыға жылжу диапазонының үлкейтілуінің арқасында жайлылық қосымша жоғарылатылған. Жылыту функциясы барлық орындықты жылытуды қамтамасыз етеді, ал электржетегі бар орындықтарды реттеуге арналған жад жүйесі қозғалыс кезіндегі максималды жайлылықты қамтамасыз ету үшін бір мезгілде орындықтардың күйін реттеуге мүмкіндік береді.

Жаңа RX-тің барлық моделінде әрбір жолаушыға арналған оңтайлы температураны Lexus Climate Concierge жүйесі қамтамасыз етеді. Ол алдыңғы орындықтардың, жылытқышы бар рульдің және үш аймақты климат-контрольдің жұмысын үйлестіреді. Lexus S-FLOW басқару жүйесі қай орындықтарда адам отырғанын анықтайды және жанармайды үнемдей және жолаушылардың жайлылығын қамтамасыз ете отырып, кондиционердің жұмысын сәйкесінше реттейді.

ОЗЫҚ ҚАУІПСІЗДІК ЖӘНЕ ЖҮРГІЗУШІНІҢ КӨМЕКШІ ЖҮЙЕЛЕРІ

Жаңа RX өз иелеріне озық қауіпсіздік және жүргізушінің көмекші жүйелерінің бірегей кешені — Lexus Safety System+ соңғы буынын ұсынады. Ол шалғай жарықты автоматты түрде немесе бейімделетін басқару жүйесін және Lane Departure Alert қозғалыс жолағынан ауытқу туралы ескерту жүйесімен бірге Lane Tracing Assist қозғалыс жолағын қадағалау жүйесін, Lane Change Assistance қозғалыс жолағын ауыстыру көмекші жүйесін, Front Cross Traffic Alert артқы жүріспен тұрақтан шығу кезіндегі көмекші жүйесін, белсенді қолдауы бар Emergency Steering Assist апаттық жағдайларда рульді басқару көмекшісін, қауіпсіз шығу көмекшісімен бірге E-Latch жүйесін, бейімделетін круиз-контрольді және Pre-Collision System соқтығысулардың алдын алу жүйесін қамтиды. Соңғысы енді күндізгі уақытта автокөлік жолындағы тіпті мотоциклдерді де анықтауға мүмкіндік береді. Сонымен бірге ол жол қиылысында солға немесе оңға бұрылған кезде келе жатқан көлікпен немесе жолды кесіп өтетін жаяу жүргіншілермен бетпе-бет соқтығысу қаупін ажырата алады.

Жаңа RX-тегі Lexus E-Latch есіктерді ашу электронды жүйесі Blind Spot Monitor көзден таса аймақтарды бақылау жүйесімен байланыстырылған. Бұл Lexus эксклюзивті функциясы — Safe Exit Assist қауіпсіз шығу көмекшісінің жұмысын қамтамасыз етеді. Ол артқы жақтан жақындап келе жатқан автокөліктерді немесе велосипедшілерді анықтаған жағдайда есіктердің ашылуына жол бермейді. Lexus мамандарының бағалауы бойынша мұндай жүйе есіктердің мезгілсіз ашылуынан туындаған апаттардың 95 %-ының алдын ала алады.

Пассивті қауіпсіздік жүйелерінің тізіміне алдыңғы жақтағы қауіпсіздік жастығы мен алдыңғы жолаушы орындығындағы қауіпсіздік жастығын қоса алғандағы SRS қауіпсіздік жастықтарының толық жиынтығы, сондай-ақ соқтығысу кезінде салонның тұтастығын сақтай отырып, соққы күшін қауіпсіз жұтатын және бөліп тарататындай етіп жобаланған шанағының берік құрылысы кіреді.

Бір сөзбен айтқанда, RX 500h әрдайым сіздің қауіпсіздігіңізді күзетеді және кез келген сәтте дайындықпен көмекке келеді.

ЖАҢА LEXUS RX-ТІҢ ЕЛІКТІРЕР АРТЫҚШЫЛЫҚТАРЫ

Lexus Global Architecture GA-K платформасының енгізілуі автокөліктің пайдалылығы мен жайлылығын жақсартқан өзгертулерді ендіруге мүмкіндік берді. Жаңа платформа массаны 90 кг-ға төмендетуді қамтамасыз етеді, бұл жүріс динамикасы мен тиімділігіне ықпал етеді. Бұл мақсатта модельдің конструкциясына оның тұтастығына немесе пайдаланушылық сипаттамаларына зиян келтірмейтін автокөліктің массасын азайтуға бағытталған жаңа материалдар енгізілді.

Сондай-ақ кроссовердің жаңа буынында ауырлық орталығы 15 мм-ге төмендетілді, бұл автокөліктің қозғалыс кезіндегі теңгерімі мен тұрақтылығын жақсартуға мүмкіндік берді. Өз кезегінде дөңгелек базасының 60 мм-ге ұзартылуы қозғалыс кезіндегі жорту әсерін төмендетуге, ал жолтабанның алдыңғы жағынан 15 мм-ге, артқы жақта 65 мм-ге кеңейтілуі әлдеқайда ілгері ұмтылған және сенімді отырысты қалыптастыруға және жолдағы тұрақтылықты жоғарылатуға көмектесті.

Жауап әрекеті мен басқарылуының артықшылығы

Алдыңғы дөңгелектердің MacPherson бағандары бар жаңа аспасы қозғалыс кезіндегі жайлылықты қамтамасыз ету және рульмен жасалған қимылдарға тамаша жауап әрекетін қамтамасыз ету үшін, сондай-ақ жол жабынының тегіс емес бетінен болатын соққылар мен дірілдерді тиімдірек жұту үшін оңтайландырылған. Бұл иінтіректерді, төлкелер мен амортизаторларды құрастыруды және олардың пайдаланушылық сипаттамаларын қоса алғанда, барлық түйінді тораптың кешенді түрде толықтырылып жасалуына алып келді.

Артқы бөлікке тәуірірек көлденең тұрақтылықты және дөңгелектерге берілетін жоғарырақ айналдыру моментін қамтамасыз ету үшін әзірленген көп иінтіректі аспа орнатылған. 

Жаңа тежеу жүйесі

RX 500h гибридті моделі AHB-G электронды басқаруы бар мүлдем жаңа тежеу жүйесімен жабдықталған. Ол қозғалыс жағдайларын есепке ала отырып, тежеу жүйесіндегі қысымды реттейді және өнімділігі жоғары сорғы электрқозғалтқышын қолданады, табиғи тежеу әсерін, басқаруды және сезімталдықты қамтамасыз етеді. Алдыңғы және артқы дөңгелектер арасындағы тежеу күшін үлестіру тәуелсіз қысымды реттеу жүйесі арқылы бақыланады, бұл автокөлікке тежелу кезінде тұрақтылықты сақтауға көмектеседі. Жүйені жетілдіру сондай-ақ жүрісінің жатықтығын және басқарылу жеңілдігін қамтамасыз ететін тежегіш педалінің жаңа демпферлеу механизмінде де көрініс тапқан.

Инновациялық автокөліктің тежелу кезіндегі күйін бақылау

Vehicle Braking Posture Control — Lexus тарапынан әзірленген, автокөліктің тежелу кезіндегі күйін бақылайтын әлемдегі бірінші жүйе. Ол жұмысының жоғары тиімділігімен ерекшеленеді және жүргізушіге тежелу кезіндегі тік сызықты траекторияларды сақтау, сондай-ақ барлық төрт дөңгелектің жолмен сенімді жанасу сезімін береді.

RX 500h кроссоверінде автокөліктің жол үстіндегі күйін бақылау үшін сондай-ақ DIRECT4 жаңа толық жетекті басқару жүйесі қолданылады.

DIRECT4 ең жаңа толық жетекті басқару интеллектуалды жүйесі

Қуаттың берілуі DIRECT4 жүйесімен — Lexus толық жетекті басқару эксклюзивті жаңа технологиясымен бақыланады. Бұл интеллектуалды жүйе кез келген жол жағдайында алдыңғы және артқы осьтердің арасында қуаттың және айналдыру моментінің тұрақты теңгерімін қамтамсыз ету үшін бөлек электрқозғалтқышты және инверторды қолданады. Ол автоматты және жатық түрде екі ось арасындағы тарту күшін реттейді — кез келген механикалық жүйемен салыстырғанда тезірек және дәлірек жұмыс істейді.

Мінсіз пайдаланушылық сипаттамаларға қол жеткізу үшін алдыңғы/артқы дөңгелектердегі айналдыру моментінің теңгерімі реттеледі, бұл ретте арақатынас жүргізу сценарийіне байланысты 70:30-дан 20:80-ге дейінгі диапазонда өзгере алады.

Артқы дөңгелектерді динамикалық басқару жүйесі

Модельдің RX 500h F SPORT Performance нұсқасы артқы дөңгелектерді динамикалық басқару жүйесімен (DRS) жабдықталады, ол артқы дөңгелектердің оңтайлы бұрылу бұрышын автокөліктің жылдамдығына және қозғалу бағытына сәйкес автоматты түрде есептейді.

Артқы дөңгелектің максималды бұрылу бұрышы төрт градусқа дейін көбейтілген. Бұл төмен жылдамдықтардағы маневрлілікті жақсартады және жоғары жылдамдықтардағы тұрақтылықты сақтауға көмектеседі.

Төмен және орташа жылдамдықтарда дөңгелектер алдыңғы дөңгелектерге қарама-қарсы бағытқа бұрылады, ал жоғары жылдамдықтарда олар синхронды түрде бұрылады. Артқы дөңгелектердің бұрылу бұрышы сондай-ақ оңтайлы түрде кіріктірілген автокөлік динамикасын басқару жүйесімен (VDIM) бақыланады.

Бұрын-соңды болмаған Trail жолсыз жер режимі

Lexus RX-те дөңгелектердің сырғанақ немесе тегіс емес жолда бос тайғанауын болдырмау үшін алғаш рет толық жетек жүйесін, тежелуді және тарту күшін басқаруды біріктіретін Trail режимі қарастырылған. Бұл тіпті тегіс емес жол жабындарымен жүрген кезде де максималды тарту күшін қолдануға мүмкіндік береді.

Тыныштық кепілдігі және бірегей жалгерлік шарттары

Жаңа RX үшін автокөлікке иелік етуден әлдеқайда көбірек ләззат алуға көмектесетін Lexus Relax және KINTO One секілді Lexus айрықша сервистері қолжетімді болады.

Lexus Relax — нарықта баламасы жоқ кепілдік. Әрекет ету мерзімі — 10 жылға дейін.

KINTO One — мүлдем жаңа, автокөлікті жазылу бойынша жалға алу сервисі. KINTO One кез келген мақсаттарда ең жоғарғы сапалы сервистік қызметтердің толық пакетімен автокөлікті жалға алуға мүмкіндік береді. Қызметтер қатарына автокөлікті тіркеу, жыл сайынғы АҚЖМ және КАСКО сақтандыруы, салық, мерзімді техникалық, сондай-ақ профилактикалық қызмет көрсету кіреді. Бір жылдық жалдау мерзімі аяқталғаннан кейін автокөлікті басымдықпен сатып алу, сондай-ақ жалгерлікті ұзарту немесе жалға алынған автокөлікті жаңарту мүмкіндігі пайда болады. Жаңа RX-тің барлық жанкүйері бұл қызметті 2023 жылдың көктемінен бастап пайдалана алады.