2022 жылғы Уимблдон чемпионы, WTA әлемдік рейтингісінде 4-ші орын иесі және Қазақстанның бірінші ракеткасы Елена Рыбакина Lexus премиалды автокөлік брендінің Қазақстандағы амбассадоры болды. Серіктестік аясында спортшы балаларды тенниске тарту және дамыту бойынша “Tennis For Life by Lexus” бірегей бағдарламасына белсене қатысады.
Бағдарлама Қазақстанның теннис федерациясымен бірге жүзеге асырылады және көбірек баланы тенниске тартуға, бүкіл Қазақстан бойынша жаңа дарындарды ашуға және оларға спорттық дайындық үшін оңтайлы жағдайларды қамтамасыз етуге бағытталған. Біздің мақсатымыз — теннисті елімізде анағұрлым қолжетімді әрі танымал спорт түрі ету.
«Мен Lexus Kazakhstan амбассадоры болуға қуаныштымын. Ең алдымен себебі балаларға – жаңадан бастап келе жатқан спортшыларға жан-жақты қолдау көрсетілмек. Мен мұндай қолдаудың теннисте даму үшін қаншалықты маңызды екенін жақсы білемін», – деп Елена Рыбакина серіктестік жайлы бөлісті.
Елена Рыбакина теннис спортына 6 жасында келген. Ата-анасы оны спорт секциясына әкелгенімен, орасан зор жоспарлар құрмаған – одан гөрі қызына жақсы білім беруді армандаған. 2013 жылдан бастап Елена ITF турнирлеріне шыға бастап, Альметьевск пен Новокузнецкте алғашқы жеңістеріне жетті.
2015 жылы Рыбакина ересектер деңгейіне өтіп, жұптық разрядта екі ITF турнирінде – Анталия мен Ыстанбұлда жеңіске жете алды. 2018 жылы Елена Қазақстанның спорттық азаматтығын қабылдап, өзінің алғашқы WTA атағын жеңіп алды да, әлемдік рейтингіде нағыз серпіліс жасады. Ал 2020 жылы спортшы WTA турнирлерінде бес жеңіске жетіп, Токиодағы Олимпиада ойындарында қола медаль алудан бір қадамда болды. Теннисшінің ең елеулі жетістігі Үлкен дулыға – дара разрядтағы Уимблдон-2022 турниріндегі жеңісі болып қалып отыр.
Елена Рыбакинаның спорттағы жетістіктерінен шабыттана отырып, Lexus Kazakhstan Қазақстанның дарынды балалары да тамаша табысқа жетіп, жоғары спорт жетістіктері үшін барлық қажетті жағдайға ие болуы үшін өз үлесін қосады.
«Біз Елена Рыбакинаның Қазақстанды халықаралық аренада сәтті таныстыра отырып, қаншалықты ұзақ спорт жолынан өткенінен шабыттанамыз. Одан үлгі ала отырып, еліміздегі әрбір дарынды бала өзіне «Мен де солай істей аламын» деп айта алады. Иә, бұл үшін табандылық пен мақсаттылық керек, бірақ қолдау көрсетіліп, бағдар дұрыс қойылса, бұл қол жеткізуге болатын арман.
Бүгінгі таңда бүкіл әлемде теннис адамдардың көбісіне анағұрлым қолжетімді болып келеді. Бұл ойынды, әсіресе балалар үшін бейімдеген және жеңілдеткен Халықаралық теннис федерациясы жасаған бастаманың арқасында орын алды. Біздің қазақстандық Федерациямыз балаларды тенниске тарту және спорт жолының әр кезеңінде оларға қолдау көрсету бойынша ауқымды жобаларды жасай отырып, ұзақ жылдар бойы дәл сол бағытта жұмыс істеп жатыр. Енді Федерацияның оң бастамаларына қосылып, күш-жігерімізді осы керемет спорт түрін қолдауға сала алатынымызға қуаныштымыз, – деп хабарлады Lexus Kazakhstan президенті Джон Томсон.
Атап айтқанда, “Tennis for Life by Lexus” бағдарламасының аясында Қазақстанның теннис федерациясының, Lexus Kazakhstan мен Елена Рыбакинаның қолдауымен “Baby Tennis” және «10-ға дейінгі теннис» бағдарламалары әрекет етеді, олардың мақсаты – балаларды спортқа дағдыландыру, жеңілдетілген ережелерді көздеп, ойыншылардың жас ерекшеліктерін ескеретін жаттығу-жарысу процесін құру.
“Baby Tennis” балаларды белсенді ойын формасында тенниспен таныстырады, онда төмен торлар, поролон доптар, жеңіл ракеткалар қолданылады. Бала жалпы қозғалыс дағдыларын игереді, кейін теннис ойынының техникасын тезірек әрі тиімдірек үйренеді. Lexus Kazakhstan Қазақстанның теннис федерациясымен бірге жылдың соңына дейін мектепке дейінгі 50 мекемені қамтып, осылайша, 3 жастан 6 жасқа дейінгі 800 баланы “Baby Tennis” бағдарламасына тартуды жоспарлап отыр. Бағдарлама теннис ойнайтын балалардың санын арттырып, олардың арасынан одан әрі жетілдіру үшін ең дарынды ойыншыларды табуға көмектеседі.
«10-ға дейінгі теннис» – 10 жастағы және одан кіші балаларға арналған, Халықаралық теннис федерациясы әзірлеген, үш деңгей (қызыл, қызғылт сары, жасыл доптар) арқылы кәсіпқой ойыншыларды ең ерте жастан бастап үйлесімді дамытуға көмектесетін бағдарлама. Жаттығу барысында анағұрлым баяу доптар, қысқа ракеткалар, кішірек өлшемді корт қолданылып, жасқа сай турнирлер өткізіледі.
«10-ға дейінгі теннис» бағдарламасы теннис орталықтарының базасында әрекет етеді, ал Lexus Kazakhstan оны жүзеге асыруда Қазақстанның теннис федерациясына қолдау көрсетеді. Оған қоса, «10-ға дейінгі теннис» аясында спорттық әлеуеті зор балалар енетін Lexus Team командалары құрылды. Қазақстанның теннис федерациясы өткізген турнирлердің нәтижесі бойынша және жаттығушылардың ұсыныстары бойынша 48 дарынды жас теннисші – Lexus East, Lexus West, Lexus North және Lexus South командаларына 12 адамнан іріктеп алынды, олардың саны ұлттық құрамадағы кәсіпқой ойыншылардың санымен бірдей. Lexus Kazakhstan командаларды барлық қажетті нәрсемен, соның ішінде жаттығулармен, спорт киімімен, турнирлерге қатысу үшін қажет қаржыландырумен қамтамасыз етеді.
Tennis for Life by Lexus бағдарламасының аясында компания дарынды балаларды қолдаумен ғана емес, сондай-ақ жыл сайын турнирлер мен фестивальдер өткізумен айналысады. Балабақшалар мен теннис орталықтарындағы балалар үшін жасы мен дайындық деңгейіне қарай жарыстар мен фестивальдер, апталық лагерьлер мен жыл сайынғы Master’s чемпионаты ұйымдастырылады.
Қазақстанда тенниске көрсетілетін қолдауды күшейту және осы спорт түрінің танымалдығын арттыру үшін Lexus Kazakhstan мен брендтің амбассадоры Елена Рыбакина бірлескен күш-жігерімен қоғамдық және ақпараттық іс-шаралар өткізеді.
