1. Discover Lexus
Байланысу
Байланысу

ОРЫНДАУ ШЕБЕРЛІГІ

Дәлдік. Әуестік. Кәсіпқойлық. Осы факторлардың барлығы Lexus-тің әр үлгісінен көрініс тапқан бірегей шеберлік негізінде жатыр. Қосымша ақпарат.

АСА ЖОҒАРЫ САПА

Lexus-тің әр бөлшегі ең жоғарғы стандарттарға сай жасалған. Lexus автокөліктері өндірісінің артында не тұрғанын біліңіз.

ҚОЛ ЖҰМЫСЫНЫҢ ДӘЛДІГІ

Біздің автокөліктеріміздің біріне отырғанда салонға сән беріп тұрған әсерлі тігістердің көрінісінен ләззат алу үшін бір-екі минут уақытыңызды бөліңіз. Олардың әсемдігі мен алдамшы қарапайымдылығының артында ауыр еңбек тұр.

Әр тігіс мінсіз тегіс болуға тиіс. Қолмен тігілген тігістер жоғары технологиялы құралдармен және аспаптармен айқын контраст құрады.

ЖАҢАДАН ӨҢДЕЛГЕН ТҮС

Біздің бояуларымыз күрделі және өзіндік сипатқа ие. Біз автокөліктің сыртқы көрінісін және оның күн сәулесіне төзімділігін толығымен өзгертетін көп деңгейлі процесті қолданамыз. Бес қабат жағылып, бояу төрт рет қыздырылады.

Инновациялар енгізуді жалғастыра отырып, Lexus LC 500 спорттық купе көлігі үшін Structural Blue түсін ұсынады. Бұл керемет жаңа реңк және инновациялық әрлеу 15 жылға жуық зерттеу жұмыстарының , сонымен қатар ғалымдар, инженерлер, дизайнерлер және бояу мамандары арасындағы тығыз ынтымақтастықтың шарықтау шегі болып табылады.

Көгілдір морфо көбелегінің жайнаған қанаттарына ұқсатып әзірленген Structural Blue бояуының қабатты наноқұрылымдары әлемдегі кез келген басқа көк түске қарағанда аса жарқын әрі қаныққан түсті қалыптастыра отырып, көрінетін жарықтың 100%-ға жуығын шағылыстыру (түстердің көпшілігі шамамен 50%-ын шағылыстырады) үшін жасалды.

 

ДЫМҚЫЛ ӨҢДЕУ

Бір қарағанда мінсіз беткі бөлік көп күш жұмсауды қажет етпейтіндей көрінеді, бірақ бұл алдамшы әсер. Бояудың әр қабатын жаққаннан кейін автокөліктің сыртқы беттері қолмен өңделеді.

Алынған жабын білікті Такуми шеберлері тарапынан тексеріледі, сонымен қатар цифрлық сканерлер арқылы қаралады. Бір де бір ақау назарсыз қалмайды. Біздің жоғары стандарттарымыз мінсіз тегістікті талап етеді.

ҰШТАЛҒАН ИНЖЕНЕРЛІК ӨНЕР

Біздің қозғалтқыштарымыз тек автоматтандырылған тексерістен өтіп қана қоймайды. Аса жоғары сатндарттарға сай болуды қамтамасыз ету үшін біз тек жаңа технологияларды ғана қолданбаймыз: қақпақ астына орналасқан әр бөлшекті сарапшы тексеріп қарайды.

Мұндай тексерістер медицинадан келген компьютерлік томография сынды заманауи әдістемелермен үндестікте үйлеседі. Дәстүрлі сканерлейтін құрылғылармен салыстырғанда, томограф әр қозғалтқышқа үңілуге мүмкіндік береді, бұл оның Lexus сапасының жоғары талаптарына сәйкес болуына кепілдік береді.

Такуми дәлдік пен сапаны бақылау үшін әдеттегі стетоскопты да пайдаланады.

ТАКУМИ ШЕБЕРЛЕРІ

Көне жапондық "такуми" түсінігі біз жасайтын дүниенің барлығында маңызды рөлге ие. Біздің такуми мамандары Lexus автокөліктерінің дизайны мен әзірлеуінде қол еңбегін пайдалана отырып, шеберлік философиясын жүзеге асырады.

Lexus компаниясында жұмыс істейтін Такуми шеберлері өз бойына кәсібилік пен әуестікті үйлестіреді. Олар жоғары біліктілікке ие және өте ұсақ бөлшектерге мән береді. Одан бөлек, біздің шеберлер мінсіздікке сенеді және оған қол жеткізу үшін талмай еңбектенеді. Олардың әрқайсысы өз машығын автокөлік өндірудің белгілі бір кезеңінде қолданады және бұл іс олардың ең басты әуестігі мен шабытына айналады. Lexus Мията (Кюсю аралы) зауытының 7700 қызметкерінің ішінде небәрі 19 Такуми шебері бар. Біздің инженерлер үшін одан асқан құрметті атақ жоқ.

ЖЕҢІЛ ЖОЛДАРСЫЗ

Нағыз шеберлікке апаратын бір ғана жол бар және ол бөлшектерге ерекше мән беруді қажет етеді. Жұмысшылардың осы стандартқа жеткендігіне көз жеткізу үшін, олар тіпті автокөліктерге қасақана кемшіліктер мен таңбалар қалдырады. Ұшқыш-сынаушыларды мұқият дайындау мен болашақ Такуми шеберлері өз қабылдау сезімін жаттықтыратын бөлмелер – бұл эпизодтар неліктен ештеңенің де Lexus орындауының деңгейіне тең келмейтіндігін баяндайды.

 

ШЕБЕРЛІК ЖӘНЕ ТЕХНОЛОГИЯЛАР

Маңдай алды Lexus шеберлігі - бұл адамдар мен машиналардың үндестіктегі жұмысының нәтижесі. Біз шеберлеріміздің бірегей сезіну шеберлігін роботтардың бірізді әрі тиімді қимылына бағдарламаладық және бұл Lexus орындауының бірегей деңгейін мүмкін етті.

 

ҮЗДІК МАШЫҚТАР

Мыңдаған сағаттық тәжірибе мен жаттығудан өткен Такуми шеберлері шамамен адам қабілетінен тыс сезіну шеберлігін жетілдіреді. Олардың көзі қарапайым адамға көрінбейтін бөлшектерді байқайды, құлақтары қозғалтқышты хирургиялық дәлдікпен баптауға, ал сезінуі көлемі миллиметрге де жетпейтін мінді байқауға мүмкіндік береді.